Hugmyndin að Peel kviknaði meðan stofnendur Peel stýrðu vefdeild auglýsingastofu við gerð herferða á borð við Inspired By Iceland og verkefna fyrir Icelandair, Toyota, Arion banka og Vodafone. Þessi verkefni unnu til fjölda verðlauna, bæði innan lands og utan; Lion-styttur, Lúðra-sveitir og Effie-gripi. En hugmyndin um Peel lét þá ekki í friði og heimtaði að fá að verða að veruleika.

Í dag er Peel alhliða auglýsingastofa með afl og getu til að hrinda í framkvæmd stórum verkefnum og byrjuð að raða inn sínum eigin Effie-gripum. Hugmyndin hefur samt ekkert breyst: að stilla upp besta teyminu til að leysa hver og eitt verkefni sem glæsilegast af hendi á hagkvæman hátt.

Við löðumst að fyrirtækjum sem ástunda sjálfbærni og samfélagslega ábyrgð. Það jafnast ekkert á við að leggjast á koddann, þreytt og sátt eftir gott dagsverk. Og þannig viljum við hafa það.